India

വിവാദമായതോടെ തനിഷ്‌ക് പരസ്യം കൂടുതൽ ആളുകളിലെത്തി

tanishq ad rss rejects the ad sale boom up in tanishq jewellery

Controversial Tanishq Ad Sale Boom up | തനിഷ്‌ക് ജ്വല്ലറിയുടെ പിൻവലിക്കപ്പെട്ട പരസ്യം, അതുമായി ബന്ധപ്പെട്ട് ചിലർ ഉയർത്തിയ വിവാദത്തോടെ കൂടുതൽ പേരിലേക്ക് എത്തിയതായി വിലയിരുത്തി പരസ്യനിർമ്മാതാക്കൾ. പരസ്യം പിൻവലിക്കാതിരുന്നില്ലെങ്കിൽ കാണുമായിരുന്ന ആളുകളേക്കാൾ കൂടുതൽ പേരിലേക്ക് തങ്ങളുദ്ദേശിച്ച സന്ദേശം എത്തിയതായും അദ്ദേഹം പറഞ്ഞു.

ടാറ്റ ഗ്രൂപ്പിന്റെ ഉടമസ്ഥതയിലുള്ള തനിഷ്‌ക് ജ്വല്ലറിയുടെ 55 സെക്കൻഡ് നീണ്ട പരസ്യമാണ് വിവാദമുയർത്തിയത്. ഹിന്ദുവായ മരുമകളുടെ മതാചാരങ്ങൾക്ക് പരിഗണന നൽകുന്ന മുസ്‌ലിമായ ഭർതൃമാതാവിന്റെ ദൃശ്യമടങ്ങിയ പരസ്യത്തിനെതിരെ തീവ്ര ഹിന്ദുത്വ നിലപാടുള്ള ചിലർ രംഗത്തുവരികയായിരുന്നു. പിന്നാലെ തനിഷ്‌ക് ജ്വല്ലറിക്ക് നേരെ ഗുജറാത്തിൽ കല്ലേറും ആക്രമണവും ഉണ്ടായിരുന്നു.

വിവാദമുണ്ടാക്കിയ ചെറിയ പക്ഷത്തിനെതിരെ നിശ്ശബ്ദരായ ഭൂരിപക്ഷം സംസാരിക്കാൻ തുടങ്ങിയതായിരുന്നു യാഥാർത്ഥ്യം. കൂടുതൽ പേർ തനിഷ്‌ക് ഉത്പന്നങ്ങൾ വാങ്ങുന്നതിന് ഈ പരസ്യ വിവാദം കാരണമായെന്നും അവർ വ്യക്തമാക്കി. വിവാദത്തിൽ തനിഷ്‌കിനൊപ്പം മനസ്സുറപ്പിച്ചവരാണ് കൂടുതൽ പേരെന്നും ‘വാട്‌സ് യുവർ പ്രോബ്ലം’ എന്ന പേരുള്ള പരസ്യ ഏജൻസിയുടെ മാനേജിങ് പാർട്ണറും ക്രിയേറ്റിവ് ഹെഡുമായ അമിത് അകാലി പറഞ്ഞു.

സാംസ്‌കാരിക യാഥാർഥ്യങ്ങൾ ദൃശ്യവത്കരിക്കുക മാത്രമായിരുന്നു ആ പരസ്യം കൊണ്ട് ഉന്നമിട്ടിരുന്നത്. ഒട്ടും രാഷ്ട്രീയം അതിനുണ്ടായിരുന്നില്ല. പരസ്യത്തിന്റെ മർമം സാമുദായിക സൗഹാർദമായതിനാൽ ഇങ്ങനെയൊരു വിവാദം പ്രതീക്ഷിച്ചിരുന്നില്ലെന്നും കമ്പനി പറയുന്നു. തനിഷ്‌ക് ‘ധൈര്യമുള്ള’ കമ്പനിയാണെന്നും ഒടുവിൽ പരസ്യം പിൻവലിക്കേണ്ടിവന്നത് വിവാദത്തിന്റെ പശ്ചാത്തലത്തിൽ തങ്ങളുടെ ജീവനക്കാരുടെ സുരക്ഷ പരിഗണിച്ചാണെന്നും അമിത് പറഞ്ഞു.

‘ഏകത്വ’യും ഐക്യവും മുൻനിർത്തിയുള്ള കാമ്പയിൻ തനിഷ്‌ക് തുടരുമെന്നും അമിത് അറിയിച്ചു.

Read Malayalam News, Health updates, Technology, Movie News and more at Hourly Malayalam News

hourly-malayalam-telegram-channel

You may also like

air india one plane interior
India

എയർ ഇന്ത്യ വണിന്റെ രഹസ്യങ്ങൾ ചോർന്നു; ഗുരുതര വീഴ്ച

ഇന്ത്യൻ പ്രധാനമന്ത്രിയെയും പ്രസിഡന്റിനെയും മറ്റ് സംസ്ഥാന പ്രമുഖരെയും ഔദ്യോഗിക ചുമതലകൾക്കായി എത്തിക്കുന്ന എയർ ഇന്ത്യ വൺ വിമാനത്തിന്റെ ആകർഷകമായ ഇന്റീരിയർ ...
North Indian States Boycotts Chinese Goods This Diwali
India

ചൈനീസ് ഉത്പന്നങ്ങള്‍ ഉപേക്ഷിച്ച് ഉത്തരേന്ത്യന്‍ സംസ്ഥാനങ്ങള്‍

ദീപാവലി ആഘോഷങ്ങള്‍ക്ക് ചൈനീസ് (Chinese) ഉത്പന്നങ്ങള്‍ ഉപേക്ഷിച്ച് ഉത്തരേന്ത്യന്‍ സംസ്ഥാനങ്ങള്‍. ചന്തകളിലും മാര്‍ക്കറ്റുകളിലും ചൈനീസ് ഉല്‍പ്പനങ്ങള്‍ വാങ്ങാന്‍ ആളുകള്‍ വിസമ്മതിക്കുകയാണെന്ന് ...

More in:India

Comments are closed.