ഇന്ത്യയിലെ ഉപയോക്താക്കൾക്ക് ആരോഗ്യ പരമായ സാമ്പത്തിക ഭദ്രത ഉറപ്പുവരുത്തുന്നതിന്റെ ഭാഗമായി ഈ വർഷാവസാനത്തോടെ തങ്ങളുടെ പ്ലാറ്റ്‌ഫോമിലൂടെ “താങ്ങാനാവുന്ന ചെറിയ” ആരോഗ്യ ഇൻഷുറൻസ് വാങ്ങാൻ സൗകര്യമൊരുക്കുമെന്ന് വാട്സ്ആപ്പ് അറിയിച്ചു.
“40 കോടിയോളം സജീവ ഉപയോക്താക്കളുള്ള വാട്സ്ആപ്പ് ഇന്ത്യയോട് ആഴത്തിൽ പ്രതിജ്ഞാബദ്ധമാണ്, ഇതാണ് ഞങ്ങളുടെ ഏറ്റവും വലിയ വിപണി. ആളുകൾക്ക് പരസ്പരം ബന്ധപ്പെടുന്നതിന് ഏറ്റവും ലളിതവും വിശ്വസനീയവും, സ്വകാര്യവും സുരക്ഷിതവുമായ അനുഭവം പ്രദാനം ചെയ്യുക എന്നതാണ് ഞങ്ങളുടെ പ്രാഥമിക ലക്ഷ്യം”. – ഫേസ്ബുക്ക് ഫ്യൂവൽ ഫോർ ഇന്ത്യ 2020 പരിപാടിയിൽ വാട്സ്ആപ്പ് ഇന്ത്യ ഹെഡ് അഭിജിത് ബോസ് പറഞ്ഞു.
WhatsApp India to help users to buy small sized health insurance.
“ഇന്ത്യയിൽ ഓരോ പൗരനും, അവരുടെ മൊബൈൽ വഴി ഏറ്റവും അടിസ്ഥാനപരമായ സാമ്പത്തിക, ഉപജീവന സേവനങ്ങൾ ലഭ്യമാക്കുന്നതിന് സഹായിക്കുന്ന നിരവധി കാര്യങ്ങൾ വാട്ട്സ്ആപ്പ് വികസിപ്പിച്ചുകൊണ്ടിരിക്കുന്ന. ഈ വർഷാവസാനത്തോടെ ആളുകൾക്ക് താങ്ങാനാവുന്ന ചെറിയ തുകയ്ക്ക് വാങ്ങാൻ കഴിയുന്ന ആരോഗ്യ ഇൻഷുറൻസ് ഞങ്ങൾ വാട്സാപ്പിലൂടെ ലഭ്യമാക്കും”, ബോസ് പറഞ്ഞു.
ഈ വർഷം അവസാനത്തോടെ എസ്‌ബി‌ഐ ജനറലിൽ നിന്ന് ആരോഗ്യ ഇൻഷുറൻസ് പരിരക്ഷ വാട്സ്ആപ്പ് വഴി വാങ്ങുന്നത് യാഥാർത്ഥ്യമാകുമെന്ന് പ്രസ്താവനയിൽ പറഞ്ഞു. അതുപോലെ, എച്ച്ഡി‌എഫ്‌സി പെൻ‌ഷനുകളും, ഡിജിറ്റൽ മൈക്രോ പെൻഷൻ സംവിധാനമായ പിൻ‌ബോക്സ് സൊല്യൂഷനുകളും ഉപയോഗിച്ച്, വിരമിക്കലിനായി സമ്പാദ്യം പ്രാപ്തമാക്കുന്നതിന് വാട്ട്സ്ആപ്പ് പ്രയോജനപ്പെടുത്തും, ഇത് അസംഘടിത തൊഴിൽ മേഖലയിൽ ഉള്ളവർക്ക് വളരെ പ്രയോജനകരമാകും.
Also Read News | ഏറ്റവും മികച്ച 6 പുതിയ ഫീച്ചറുകളുമായി വാട്ട്സ്ആപ്പ്
നിലവിൽ സ്റ്റേറ്റ് ബാങ്ക് ഓഫ് ഇന്ത്യ, എച്ച്ഡിഎഫ് സി, ഐസിഐസിഐ, ആക്സിസ് ബാങ്ക് എന്നിവയുടെ പിന്തുണയോടെ രാജ്യത്തുടനീളമുള്ള 2 കോടിയോളം ഉപയോക്താക്കൾക്ക് ‘വാട്സ്ആപ്പ് പേയ്‌മെന്റ്സ്’ ലഭ്യമാണെന്ന് ഫെയ്‌സ്ബുക്കിന്റെ ഉടമസ്ഥതയിലുള്ള കമ്പനി അഭിപ്രായപ്പെട്ടു.
Summary: WhatsApp India to help users to buy small sized health insurance. WhatsApp said, the new product expects to facilitate the purchase of “affordable sachet-sized” health insurance through its platform on the end of December 2020.
